بیر غزل هوشنگ جعفری جنابلاریندان ،
گونش کتابیندان
یارین بویون قوجاقلادیم ، یار آغلادی من آغلادیم
ییغیشدی قونشولار بوتون ، جار آغلادی من آغلادیم
باشیندا قار قالان داغا دانیشدیم آیریلیق سؤزون
بیر آه چکیب باشینداکی ، قار آغلادی من آغلادیم
طاریمدا نار آغاجلاری ، منی گؤروب دانیشدیلار
بویومو زیتون اوخشادی ، نار آغلادی من آغلادیم
ائله کی اسدی بیر خزان ، تالاندی گوللریم منیم
خبر چاتینجا بولبوله ، خار آغلادی من آغلادیم
اوره ک سؤزون دئدیم تارا ، سیملری اولدو پارپارا
یاواش یاواش سیزیللادی ، تار آغلادی من آغلادیم
دئدیم کی حق منیمکیدی ، باشیمی چکدیلر دارا
طناب کسنده بوینومو ، دار آغلادی من آغلادیم
« جعفری » یم بویوم بالا ، غم سینه مده قالا قالا
یار جانیمی آلا آلا ، یار آغلادی من آغلادیم .
کلیک کنید و داستانی از آنار نویسندۀ معروف جمهوری آذربایجان با ترجمۀ شهریار گلوانی بخوانید .
[ ]
+ نوشته شده در ساعت توسط حبیب حسن نژاد
صاباح گئجه
عبدالعلی آيرملو(وفا)
آنا خانيم، من بو ايشه مات قالميشام
بيلميرم كي سن آلاگؤز نئيلهييبسن
بو ديل قانماز اورگيمه
هر آن سني يادا سالير
هر گون سني خبر آلير
حتي سوفره باشيندا دا، گؤزلريمين ياشين قاتير چورگيمه آناخانيم
* * *
صاباح گئجه كوچهميزده ـ
يولداشيمين خالاسينين حناسيدير
منده، تويا چاغريلميشام
* * *
صاباح گئجه
هر بالاني اؤز آتاسي گئيينديريب كئچينديريب
تئللريني داراقلاييب
ساچلارينا گول باغلاييب
نئجه سئوينه ـ سئوينه
گئتيرهجك توي ائوينه
صاباح گئجه بيري مندن سوروشاندا
"»سنين آنان پس هاياندا؟"«
منيم باغريم اوزولهجك
قيسيليبان بير بوجاغا
گؤز ياشلاريم سوزولهجك
دامجي ـ دامجي اينجي كيمي
ياناغيما دوزولهجك
سنسيز منيم عؤمروم دؤنوب
حسرتلرين سارايينا
صاباح گئجه آللاه چاتسين
اورگيمين هارايينا .
قورخو
هاشم عابدی(عابد)
اوشاقايكن كؤپ ـ دانيشما ائشيتديك
سوسوب دانيشماديق، سوكوتا باتديق
يومون گؤزلريزي: دئديلر بيزه
يوخوموز گلمهدي، قورخودان ياتديق
ديكسينديردي بيزي كوبود باخيشلار
جاندان اوسانديردي قارا قارقيشلار
جاواب وئريلمه دي سوروشوقلارا
دوز يولو سالديلار بوروشوقلارا
بؤيودوك، ديرچلديك، بوي ـ بوخون آتديق
آييقليق چاغيندا، يوخويا ـ باتديق
آنلاديق ـ دوشوندوك ـ دوشونولمهديك
دئديلر: دانيشما، دينمه هله ليك
بؤيوك اوتوراندا،اوشاق دانيشماز
بؤيوكلر ايشينه ،اوشاق قاريشماز
هوپ دوتدوق حياتين شيرين چاغيندا
سولدوق ياشاييشين ياشيل باغيندا
يانديق دوشونجهنين گور اوجاغيندا
يوخلاديق ـيوخلاديق غم ياتاغيندا
دويغولار هؤروندو بير كنديركيمي
آليشديق خَزلي بير تنديركيمي
نييه قانماديلار بؤيوكلر بيزي
قالدي اوركلرده قورخونون ايزي
وارليغي بورودو نيسگيللر توزو
عؤمور جاداسيندا آدديملاريميز
ايرَلي سوروندو مين كدريله
دويونلو بوغازلار ـ هاراي ديلگي
آغارتدي ساچلاري مين قهريله
ايندي كي اولموشوق اؤزوموز بؤيوك
اوشاغا دانيشما ـ دينمه دئييريك .
[ ]
+ نوشته شده در ساعت توسط حبیب حسن نژاد
دو غزل ناب از :
عبدالعلی آیرملو ( وفا ) - خوی
سینار
نئجه کی شاختا کولَک بادِ باهاریله سینار
باهارین قیمتی ده سئوگیلی یاریله سینار
گؤزه لیم چیخسا باغا ، اؤزگه قیامت قوپاجاق
قامتین گؤوسه اگر ، سرو چیناریله سینار
یاشی اون دؤرد اولالی ، قوینو دؤنوب نار باغینا
بللی دیرآلمالارین قیمتی ناریله سینار
دئدیم آی قیز قولومو بوینونا سالسام نه اولار؟
دئدی نازیکدی بئلیم ، گؤزله فیشاریله سینار
دئدیم اذن ایسته ییرم بیر اتگیندن یاپیشام
دئدی یوخ یوخ ، کی گولون قیمتی خاریله سینار
دئدیم عشقین اوره گیمده گول آچیب ، بار وئره جک
دئدی بار وئرسه ده گؤزله ، بوتا باریله سینار
دئدیم اینجیتمه « وفا» نی گؤزه لیم ، شیشه نَدیر؟
ائله نازیکدی خیالیم کی غوباریله سینار.
نئجه یازیم؟
من ائلیمین سؤزلرینی نئجه اؤزگه دیله یازیم ؟
بیر سیز دئیین من گؤی گؤزه ، نئجه قاراگیله یازیم؟
بیری دئییر دؤن ائله یه ، بیری دئییر باخ بئله یه
بیری دئییر بئله یازیم ، بیری دئییر ائله یازیم
قولاغیمی باتیرسادا قارغالارین قاریلتیسی
من یاریما سؤز وئرمیشم سرزلریمی گوله یازیم
دلی لردن ایواز خانی ، موغاندان دا خان چوبانی
ستّارخانی تبریزینه ، سونانی دا گوله یازیم
مندن تعریف ایسته سز ده ، دئیین آلا گؤزدن دئییم
مندن یازماق ایسته سزده ، قویون دورنا تئله یازیم
روستم گئتسین دماونده ، آغ دئوینی قووالاسین
من ده گلیم ، کوراوغلونو قارلی چنلی بئله یازیم
آی خان چوبان ! آراز ، موغان ! من سارامی تاپانمادیم
دئییرم کی نه دئییر سیز بیر کاغیذدا سئله یازیم
یاز گلیبدیر ، چمن یئنه آل یاشیلا بورونوبدور
آمما منیم گؤزوم یولدا ، گله جکدیر هله یازیم
آی گؤزلری دولان بولوت ، نم نم چیله گؤزیاشیمی
اوخویورسان اورگیمدن چیله بولبول ، چیله یازیم.
[ ]
+ نوشته شده در ساعت توسط حبیب حسن نژاد
استاد نوشتند: 
یاهو
حورمتلی و احساسلی قلمداشیم و شاعیر یولداشیم جناب آقای حبیب حسن نژاد حضرتلرینه اتّحاف اولونور ۲۱/۵/۸۵
سوزگون باخیش
هر درس اؤخویان عشقیده استاد اؤلابیلمز
هــــــر خــوش دانیشان طوطی قنّاد اؤلابیلمز
عشق اهلی چاتار اوج کمالاته گومان سیز
کیم سئوگی یولون گئتمسه هئچ زاد اؤلابیلمز
شیرین کیمی بیر سئوگیلی یه اؤلماسا وورغون
کیـــــــم یارسادا داغ اؤل ده لی فرهاد اؤلابیلمز
اؤز نفــسینه کیـــم قول اؤلالی برده لیگ ائتسه
نفســـین قویــــــوسوندان چیخیب آزاد اؤلابیلمز
کیم سئوگیلی جانان نازینی چکمسه بیلسین
تـــک لیکده قــــــــالار غصّه لی ، داماد اؤلابیلمز
کیم ایسته گینه چاتماق اوچون ائتمسه اقدام
حسرت ده یـــاشار عمــــــر بؤیی شاد اؤلابیلمز
حـــــال درسیــــنه قال اهلی اگر اولماسا دارا
افــــــلاطون اؤلا مـایــــــــــــــــۀ ارشاد اؤلابیلمز
کیـــم دانسا دیلین یا آنـــاسین سالسا نظردن
غیــــــرتلی آنـــــا یــــــوردونا اولاد اؤلابیـــــلمز
گون عارضینی سئوسه کیم اؤل نازلی نگارین
جان وئرسه ده اؤز سئوگی سینه یاد اؤلابیلمز
من بیر باخیشا واریؤخومی ساتدیم ازل گون
(( بــارز ))سؤزو تک بیـــــــر اوجا فریاد اؤلابیلمز
(( ســـــوزگون باخیش ایستر آلا جان اهل نظردن
هر قــــاشی کمــــانین گــــؤزو صیّاد اؤلابیلمز ))
هایم بو خرابه اوره گین سئوگی یه تاپشــیر
ویرانــــه کؤنـــول ، سئوگی سیز آباد اولا بیلمز
آد شهرتــــــه تؤولانما چالیش آللا ها باغلان
آللاه آدامینــــدان یــــــوخاری آد اؤلابیـــــــــلمز.
هارا گئتدی؟
آللاه گــــؤره سن گؤزلری جیران هارا گئتدی
قند لب لری ، قار دیش لری مرجان هارا گئتدی
گلدی سؤروشا حالیمی سوزگون باخیشییله
قیــــــردی اوره گیم بندینی سؤندان هارا گئتدی
سوزدوردی گؤزون نازلی مارال یان یانی باخدی
صبـــــریم ائـــوینی ائیله دی ویران هارا گــئتدی
یــــالواردیم آ قیز قییقاجی بــــــاخما یازیغام من
نازیله دئدی : (( بس سنه قوربان )) ، هارا گئتدی
(( من گؤزلریوین قوربانیام چــــــؤخلی دئمیشدین))
بس وئــــــردیگین اؤل عهـدیله پیمان هارا گئتدی
بیر غمــــــــــــزه ایله سالدی منی ائیله آیاخدان
قالـــــدیم یارالی قوش کیمی ، ترلان هارا گئتدی
اؤدلو گؤزولـــــــــه ساچدی اَلُو یاندیم اؤ جور کی
یـــــــؤخدور اومودوم کیم ائده درمان ، هارا گئتدی
آهو بـــــاخیشی صید ائله دی جانیمی شیر تک
آهــــو گـــــــــــؤزولن اؤولــویان اصلان هارا گئتدی
بیر گون گله کاش سؤرماغا احوالیمی سئوگیم
تا اینکی گـــــؤره گـــؤز یاشی هاردان ، هارا گئتدی
سئــــــو داسی قؤجا وقته منی ائیله دی رسوا
صنعـــــــــانی قــــــؤیان والـــه و حیران هارا گئتـدی
هایـــم سنی گؤر بیر باخیشی سالدی نه حاله
قالـــدین یارالی شیـــــر کیمی نـــالان ، هارا گئتدی.
[ ]
+ نوشته شده در ساعت توسط حبیب حسن نژاد
این دو شعر را از دفتر یادداشت های دوست عزیزم کش رفته ام . متاسّفانه اصل
شعرها را نداشت . دوستانی که به اصل شعرها ـ یعنی به زبان اصلی، نه ترجمه ـ
دسترسی دارند ، بی خبرمان نگذارند.
۱
آدم ساده لوح
شعر از : نریمان قاسم اوغلو ( شاعر جمهوری آذربایجان )
ترجمه از : امین صدیقی
گفتند :
فلانی رشوه خوار است ،
باور کرد...
گفتند:
فلانی آدم خوبی است ،
باور کرد ...
گفتند فلانی آدم بدی است ،
باور کرد...
گفتند :
افغانی ها دشمن ما هستند،
باور کرد...
گفتم :
همۀ اینها دروغ است ،
باور نـــکرد !
۲
عقاب یا مار
شعر از : رسول حمزاتف ( شاعر داغستان)
ترجمه از : امان قلیچ شادمهر
من می گویم:
عقاب
نخستین موجود روی زمین بوده
و هندیان می گویند:
نه ، مار بوده
اکنون می خواهم
به اساس خلقت جهان پی ببرم
شاید انسان
آغازین خلقت بوده باشد
ولی از آن زمان تاکنون
دسته ای عقاب شدند و پرواز کردند
و دسته ای دیگر
به مار تبدیل شدند.
[ ]
+ نوشته شده در ساعت توسط حبیب حسن نژاد
به اتّفاق دوستان شاعر: محمّد ارثی زاد، جواد یوسفی و سیامک ترکمن بــــه دیــدار استاد غزل ، عبدالعلی آیرملو (وفا) رفتیم . استـاد ، این غزل ها را هدیه دادند که تقدیم می شود:
سه غزل از:
عبدالعلی آیرملو ( وفـــا )
قارا گیله م
هیهات سن سیز بو دونیادا بیرده گوله م قاراگیـــله م
اینــانماکی سندن آیـــری گولـــه بیلــه م قـارا گیله م
اینـــانماکی آتـــام سنی ، اؤزگـــه لََــره قـاتـــام سنی
سن سن منیم ایکی گؤزوم ، ایکی گیله م قارا گیله م
یئــنه گؤیــلوم یامان دوشوب سنی گــؤرمک هوسینه
آز قالیـــرام حسرتینـــدن دوشــه م اؤله م قارا گیله م
بیـــر کَــره ده ایللـــر بویــو گول وئـــردیگین پنجــره دن
بـــاخ یـــوللارا گلـــن گئـــجه شایـــد گله م قارا گیله م
بیـــر گون منی قونـــاق چــاغیر قوینوندا کی نار باغینا
قـــورخما نه زنبیلیم واردی نه ده سَلَـــه م قارا گیله م
آخ کی اگـــر الیـــم چاتســا بــــو فـــلکین یــــاخاسینا
اونـــو گــره ک آلما کیمین ایکی بـــــؤله م قارا گیله م
سنــدن آیـــری دوشن گونـــدن تویـلاردادا آغلامیشام
هئـچ اولماییب گؤزلریمین یاشین سیله م قارا گیله م
وفــــا جانی هــــردن هــــردن بو دونیـــانین ایشلرینه
[ ]
+ نوشته شده در ساعت توسط حبیب حسن نژاد
ایلقار
کیـــــم قازیبـــــدیر بو دریـــن مهلکه سیــن ایلقارین
کی گره ک نـــازینی هـر آن چـــکه سن دلــــــدارین
یــا گـره ک سئـــوگیلی نیــن باشینـا هر آن دولانیب
اونـــا خاطیـــــر دؤزه سن هـــر ســــؤزونه اغیـارین
من قیــــامتــده گره ک آدم آتــــامــــدان سوروشـام
کی بویورسون منـــه اؤز ایـــشلرینـــین اســــرارین
نَــه عجــب روضــــۀ رضـــوانی ساتیب بیـر باخیــشا
هانسی قیـــمتلـــه قویــوب نـــرخیـــنی بو بــازارین
او نَـــه سئــــودا کی آلیبـدیر اونـــو الدن اؤره گــــین
او نَــــه قــــدرت کی پــــوزوبـــدور بـابــامین افکارین
ازلیـــن حــــکمی بـــودور اوغلانی قیز یولدان ائده ر
بیر بـــاخیشدا پؤزار اوغــــــلان یازیغــــین پــــرگارین
آچ او روبنـــده نی قــوی گولشنی حیــرت بوروسون
قـوی گولـــــوستاندا کی بولبــــول لـــــر اولا زوّارین
اوزون اون دورت گئجه لیک آی، دوداغین یاش قونچا
عاشقیــن قـــانــــه دؤنـــن قلبی سنـــین دربـــارین
من یقینـیم بونـــادیر گلســــه ده حـــــوّا یئــــنی دن
سنــــه تـــای دوغمایـــاجاق دوغسا اگر مین قارین
دولـــو بیر بـاده وئــریب پؤز منی ساقی ، اولوره م
قـــوجا تـــارزان اؤره گیــم درده دولــوب چال تـارین
قـــارا گـــؤزلوم نَـــه قَـــدَر یـوللارا گؤزتیک مه لیدیر
بئلــــه جـــان اوستـه قویار هانسی طبیب بیمارین
بـــو اؤزون سن یـــا خیالین کی چالیـــر پنجــره نی
قــوی آچیـــم پنجــره نی بــوینوما سال قـــوللارین
ای وفانیــن گـــؤزینی حسرتیـــــلن یـــولدا قویــان
کیـــم دئیــه ر میـش منه بیر حسرت اولا دیـــدارین .
[ ]
+ نوشته شده در ساعت توسط حبیب حسن نژاد
یار کوچه سی
بیـر دیل قانـماز اؤره گیـم وار کی گتیــریب دی زارا منی
دئیــیــر گـــره ک یئتـــیـــره سن او جـفـــالی یــــارا منی
مـنی یـوروب باتمیش سسی ، فقط اولوب زمـزمه سی
یــار کوچه سی یـار کوچـه سی ، گؤر آپـاریـر هارا منی؟
گــؤرور سن کی گئـــجه یــاری، بــاشـــلانیــری ادا لاری
نَــه دین قانیر نَـه ده تـــاری ، ایستیـر قـویـــا بــــارا منی
دئییــره م کی اونــو بــوراخ ، اونــدان سنه یانماز چیــراغ
یـانا یــانا چــکیر بیــر آخ ، ائــدیـــر گـــونی قـــارا مـــــنی
دئییـــر آراز قیـــراغیــندا ، بیـــر قونــچا گـــول دوداغیـندا
بیـــر جُــوت لاله یــانـاغیندا ، سسـلــه ییــری سارا منی
دئییره م کی باشی داشلی ، نه قالیبسان گؤزو یاشلی
چوخ گؤزه ل وار قلم قاشلی ، چکمه هی هی اورا منی
بیـریـنی سئو چوخدا مارال ، کیپریگی اوخ، قاشی هلال
گـؤزو دئسـین دردیـمی آل، تئــلی دئسیــن دارا منــــی
دئیـــیر اورا چــکمه ســؤزو، گره ک اولا یــــاریـــــن اؤزو
اینــدی ده لاپ ســــؤزون دوزو ، یئنـه قویـوب زورا منی
یـــار کوچه سی صفالیــدیر ، حئییف یـــاریـــم جفالیدیر
چــــون کی قلبـــیم وفـــالیدیر فلـــک سالیب تـورا منی.
[ ]
+ نوشته شده در ساعت توسط حبیب حسن نژاد